Rikthehet “Drive in Cinema” Prishtina

14:28 | 8 Maj 2021
Arbresh.info

Rikthehet “Drive in Cinema”, si aktivitet i realizuar nga Komuna e Prishtinës, shkruan arbresh.info.

Lajmin e ka bërë të ditur Adrian Berisha, Drejtor i Kulturës në Komunën e Prishtinës, i cili tha se ky aktivitet tash e tutje do të realizohet dy herë në muaj.

Postimi i tij i plotë në facebook:

“Drive in Cinema” rezultoi si një eksperiencë e jashtëzakonshme, andaj po kthehemi përsëri. Por, jo vetëm këtë të shtunë; tashmë kemi vendosur që si Drejtori e Kulturës ta organizojmë këtë aktivitet dy (2) herë në muaj.

Kësaj radhe po e shfaqim filmin “Forrest Gump”, komedi-dramë amerikane e vitit 1994 me rolin kryesor të luajtur nga i veçanti TOM HANKS.

Numri i veturave është i limituar dhe pagesa duhet të bëhet vetëm për përdorim te hapësirës së parkingut. Përparësi kanë veturat e para që do të vijnë dhe nuk mund të ketë rezervime. /arbresh.info/